رواية فريسة تحت قبضته بقلم آية الرحمن( الفصل الثامن عشر إلى العشرون)

ما ينادوا علي أسمه
هيثم بجديه...
بهجت أعمل اللي قولتلك عليه أي حاجة تنكرها 
بهجت بطاعه...
علم وينفذ يا هيثم بيه وأن شاء الله وقاص بيه هيخرج معايا 
تركوا بهجت وأنصرفوا إلي مكتب المقدم 
رفعت وجدوا وقاص جالس علي الأريكه ېدخن سچاره بهدوء وقف بمكانه عندما رأي محمد قائلا... 
ايه اللي جابك هنا 
ليكمل موجهه حديثه لهيثم بعتاب قائلا... 
مش منبهك متعرفش حد 
جلس هيثم بتعب علي المقعد قائلا... 
البلد كلها عرفت مش محمد بس 
جلس وقاص علي المقعد يكمل سچاره قائلا بتسليه... 
كنت عارف أن دا اللي هيحصل وأريج عرفت 
رمقه هيثم بضيق قائلا... 
يهمك في ايه عرفت ولا معرفتش انت مش رجعت لمراتك وابنك
رمقه وقاص بنظره مطوله ثم نظر لمحمد الجالس ينظر لهم بأهتمام محاولا فهم ما يحدث ليهتف وقاص قائلا... 
الكلام اللي هقوله دا ميخرجش بينا مفهوم 
نظروا له بأستغراب وعدم فهم ليتحدث قائلا.. 
ومهما حصل أريج لازم تبقي بعيد عن هنا بعيد عن العين تماما 
زفر هيثم بنفاذ صبر قائلا... 
أخلص قول اللي عندك أنا كنت حاسس أن في شيء غامض ورا الموضوع دا 
تحدث وقاص بجديه قائلا... 
محمد خد أمك وديها المكان اللي أريج قاعده فيه هو دار مسنين في.... 
محمد بعدم فهم... 
وأريج بتعمل ايه هناك 
وقاص بهدوء... 
بعدها عن العين 
هيثم... 
أنا مش فاهم حاجه منين بعدها عن العين ومنين كانت عندي أمبارح بتطلب مني أساعدها ترفع عليك قضيه طلاق 
وقاص... 
كل دا أتفاق ما بيني أنا وهي عشان محدش يشك في حاجه عشان أريج متراقبه زي ماكلنا متراقبين وحكايه الطلاق دي كان من ضمن الأتفاق كنا مفكرين أن الموضوع هيطول متوقعتش أنه يبقي بالسرعه دي 
محمد... 
أنا مش فاهم حاجه مين اللي هيراقبنا وأتفاق ايه أنا عاوز أفهم 
أشعل سجار أخر قائلا... 
أول أمبارح قابلت ملك في النادي وقالتي علي رجوع جالا ل مصر تاني وأن هي وخالد وعلي أتلموا علي بعض عشان يوقعوني وأول حد هيصطادوه هو أريج وطبعا قالتلي علي الخطه اللي هما عاملينها وأنها شريكه معاهم ودورها أنها تيجي تقولي أنها كانت حامل وقت مطلقتها وحاليا ولدت والطفل اللي معاها دا أبني مع العلم أن الدكاتره قالوا أن ملك صعب تخلف مش عارف بصراحه هي قالتلي الحقيقه ليه بس هي حلفت بحياه أبنها وكمان سمعت كل كلامهم وخطتهم كانت هي مسجلاه علي تليفونها وأتفقت معاها أنها هتنفذ اللي هما عاوزينه وأكن أنا معرفش حاجه وفي النفس الوقت هخلص عليهم كلهم من عن طريقها بس أخلص من الموضوع دا الأول 
هيثم بأهتمام... 
طب وأريج 
أطلق تنهيده قويه قائلا... 
أريج زيها زي أي وحده الغيره أشتغلت بالأول مكنتش ناوي أعرفها حاجه وكنت هسفرها في أي مكان كام يوم بأي حجه وحصل ما بينا تاتش جامد بعدها حكتلها علي كل الموضوع وهي قررتي تساعدني وكان أهم حاجه في أتفقنا أن أنتوا أول ناس تصدق اللي بيحصل عشان هما كمان يصدقوه وشربوها 
محمد بهدوء... 
وهتطلع من الورطه دي ازاي 
هيثم بأبتسامه... 
لا ورطه ولا حاجه كل اللي حصل دا فيك ملوش أي تلاتين لازمه والأجهزه شغاله وميه ميه مجدي أدي الجماعه قرشين وقالوا الأجهزه بايظه وحكيت الموضوع ل رفعت بيه والموضوع أتحل خلاص والشحنه زمانها واصله علي المخازن 
محمد بأرتياح... 
الحمد لله وبالنسبه للخبر اللي مالي النت 
غمز له وقاص قائلا... 
زي ما نزلو الخبر أحنا كمان ننزل بس هنزل فضيحتهم كامله عشان تبقي بصمه عار لبساهم طول العمر 
وقف هيثم قائلا... 
بما أن الموضوع الحمد لله