رواية جراح لا تنسى بقلم أماني سيد

على حالته وازاى يقدروا يقربوا منه وامته 
هنعرفها في الأحداث مانستعجلش 
ها اى اسئله تانيه 
منتهى كنت حابه اكلم حضرتك لوحدنا 
مؤمن طيب انا هستناكوا بره 
خرجوا كلهم واتبقت منتهى مع الدكتور
منتهى دكتور اللى عرفته انك متابع حاله زهران من زمان صح 
الدكتور ايوه صح 
منتهى مافيش مره قالك ان حد وحشه حاجه نقصاه محاولش حتى يفتكر ايه اللى ناسيه 
الدكتور مين قال كده عرفات او زهران دخل كتير فى حاله اكتئاب واخد كتير ادويه مهدئه ومنوم عشان يقدر يتعايش طبيعى الفتره اللى مر بيها وكان فيها لواحده خلته حاول الاڼتحار انتى متخيله انسان عايش لواحده مايعرفش هو مين ولا جاى البلد دى ليه ولا مين اهله ولا صحابه كان خاېف ېموت وميلاقيش حد يغسله ويدفن فى مقاپر الصدقه كان دايما يقولى لو كان عندى أهل كانوا سئلوا عليا حاولوا يوصلولى يبلغوا السفارة عن اختفائى لكن مافيش اى حد سأل عليا اسئله كتير مكنش ليها اجابات 
انا عايز اقولك انه كلمنى قبل انتوا ماتيجوا كان بيكلمنى عنك على فكره وانا نصحته انك تفضلى جمبه عشان انا عارف ان ده هيساعدوا 
الفتره اللى فاتت مكنش بيتذكر حاجه لان مكنش فى مؤثرات خارجية تساعده او مواقف حصلت تخليه يشبه عليها غير لما انتى ظهرتى وانا على فكره غيرتله العلاج لان وجودك هيفرق الفتره الجايه
منتهى طيب هو بيحب مراته او اتجوزها عن حب ولا احتياج انا بعد كلامك ده قدرت انه اكيد كان محتاج حد فى حياته بس هل فى مشاعر قويه اتجاهها 
الدكتور مقدرش اقولك انا مدخلتش حواه واكيد مش كل حاجه هو هيقولهالى وانا كطبيب مش هقدر اقولك كل أسراره انا اديتك التفاصيل اللى هتساعد في العلاج اكتر من كده مش هقدر اتكلم 
منتهى تمام شكرا لحضرتك يا دكتور 
الدكتور خدى رقمى خليه معاكى عشان لو حصل اى مضاعفات او حاجه تتواصلى معايا فورا او لو حسيتى بتقدم تبلغينى بيه 
منتهى تمام شكرا لحضرتك
وسابته ومشيت 
تانى يوم وصلت منتهى الشركه ودخلت في مكتب مؤمن 
مؤمن صباح الخير
منتهى صباح النور
مؤمن ايه ده مش هترجعى مكتب تانى عند عرفات 
منتهى لما هو يطلب 
مؤمن مش هيطلب 
منتهى زهران هيطلب 
مؤمن نتراهن 
منتهى نتراهن وهنا دخل عرفات عليهم 
عرفات تتراهنوا على ايه 
منتهى نتيجة مسألة حسابية عن ازنكم 
عرفات استنى مؤمن بقولك ايه رجع نهله عندك وخلى مدام منتهى ترجع مكانها تانى 
منتهى انا مكانى هنا مش موافقة ارجع تانى مكتب حضرتك
عرفات
ليه بقى إن شاء الله
منتهى حضرتك اللى فى الاول كنت شايف انى مش اد المسئولية وطلبت نقلى 
عرفات انا مقولتش كده 
منتهى امال حضرتك نقلتنى ليه 
عرفات مكنش عارف يرد عليها ويقولها ان وجودها بيوتره 
عرفات انا ماقولتش كده بس عشان نهله كانت
اقدم منك لكن انا عرفت 
منتهى تمام إذا كان كده هرجع مره تانيه لحضرتك
عرفات بصلها برفعه حاجب تمام يا فندم اتفضلى معايا على مكتبك 
وصلت منتهى وعرفات مكتب عرفات وعرفات بلغ نهله انها هتتنقل مره تانيه مكتب مؤمن وهى حمدت ربنا انها اخيرا هتخلص من عصبيته 
دخل عرفات مكتبه وفضلت منتهى بتشتغل في الاستقبال وجالها مندوب شحن بالادويه 
منتهى خبطت على مكتب عرفات ودخلت 
منتهى زهران بيه اقصد عرفات بيه فى مندوب بره من شركه شحن معاه ادويه 
عرفات تمام الحساب كام 
اتفضل الفاتوره 
خدى حاسبيه خرجت منتهى وحاسبت مندوب الشحن 
ودخلت بالادويه مره تانيه
منتهى دى ادويه لحضرتك
عرفات اه 
منتهى ليه 
عرفات نعن 
منتهى اسفه بس كنت حابه اساعدك واظبطلك مواعيدها عشان متنساهاش وقت الشغل 
عرفات تمام هتعرفى 
منتهى جربنى وبصتله بطرف عنيها وقالتله وشوف اذا كان ينفع تثق فيا ولا لأ ودى نفس البصه اللى اتخيلها وهى بتبصهاله لما كان خارج من الحمام 
عرفات فضل واقف سارح فيها وخياله اخده ليها انه وقالها انا واثق انك ادها
فاق من سرحانه على صوتها 
ها قررت ايه 
عرفات موافق طبعا المواعيد مكتوبه على العلب ورينى بقى شطارتك انا هسيبلك نفسى فى الموضوع ده
منتهى فى معاد برشامه دلوقتي هجبلك حالا ميه وفى واحده بليل هتصل بيك وقت المعاد بتاعها افكرك بيها 
عرفات تمام 
منتهى اخدت العلاج وجابت البرشام وكوبايه الميه وبشكل تلقائي حط البرشامه باديها فى بقه وشربته وهو كان قاعد تايه فى ملكوت تانى وبشكل لا ارادى مسك اديها وباسها وقالها شكرا
اتوترت منتهى وبعدت عنه وخرجت على مكتبها
بارت طويل عريض اهو لما اشوف بقى التفاعل
رواية جراح لاتنسى البارت الخامس بقلم أماني سيد حصريه وجديده 
اليوم تأكدت ان قلبك ابدا لم ينسانى حتى لو انت لا تعلم يكفيني ان قلبك مازال ملكى سيعود لى لانه من الأساس لى سوف أزيح عنه اى اوهام انه وقع في حب غيرى ساثبت لعلقك ان قلبك ملكى ملكى انا فقط ولن يكون لغيرى
خرجت منتهى من عند عرفات ودقات قلبها هتخرج منها 
ايه اللي انا عاملته ده هيقول عليه ايه ولا هيفتكرنى ايه هو مايعرفش إن انا مراته اصلا يالهوى يالهوى لأ لأ لازم اخد بالى بعد كده قلبى ماله فى ايه اهدى اهدى ايوه شوفت نظرته زهران ليه قلبه فاكرنى فاكرنى
عرفات_ ايه اللى انت هببته ده مالك سايح كده هو ده هو ده كلامك لنفسك معاها بتنسى كل حاجه وهى كمان انا كنت سامع دقات قلبها يا ترا حكايتك ايه يا منتهى هل عندك نفس احساسى ومشاعرى
مر فتره قصيره من الزمن وكانت منتهى مندمجه في عملها واثناء عملها دلفت اليها هاله و وقفت تراقبها من قرب رفعت منتهى راسها من العمل وتفاجأت بوجود هاله
منتهى بخضه _ مدام هاله أهلا بحضرتك محتاجه حاجه
هاله_ لا ابدا بس لقيتك مندمجه اوى فى الشغل مرضيتش اعطلك 
منتهى _ لا ابدا عرفات بيه جوه اتفضلى تقدرى تتفضلى تدخلى 
هاله_ تمام بس كنت عايزه اتعرف عليكى جيت المره اللى فاتت من غير مانتكلم 
منتهى استغربت جدا طريقه كلامها وانها بتحاول تقرب منها بس قررت تجاريها
عمرى ابدا ماهعترف بوجودك فى حياته استغليتى وحدته وقربتى منه والان ماذا تريدين ايتها الحرباء الملونه 
منتهى _ انا مدام منتهى السكرتيرة لعرفات بيه 
هاله _ عندك اولاد 
منتهى _ اه ابنى احمد عنده ٧ سنين 
هاله _ كنتى بتشتغلى قبل كده ولا دى أول مره 
منتهى _ لا بشتغل فى شركة ... بقالى خمس سنين 
هاله _ وسبتيها ليه 
منتهى _ لقيت هنا للمرتب افضل وبما ان الشركه هنا جديده فانا ممكن بسهوله اثبت نفسى فيها وغير كده المرتب هنا تقريبا ضعف مرتبى 
هاله_ عجبنى طموحك اوى يا منتهى 
تقولك على سر عرفات جوزى فاقد للزاكره وفى ناس كتير بتحاول تستغل ده وتفبرك صور وورق عشان يقولوا انه يقربلهم 
منتهى _ وهما عرفوا منين
هاله _ أى شخصية ناجحه في اللى بيدور وراها انا قلتلك كده عشان ارتحتلك وعشان عايزاكى تساعديني
منتهى _ اتفضلي اقدر اساعدك ازاى 
هاله_ لو حد مثلا جه يقول انه قريب عرفات بيه او عايز يقابله لازم تعرفينى فى وقتها 
منتهى _ طيب هو عرفات بيه ممكن يصدق اى حد 
هاله _ عرفات نفسه يعرف ماضية وهيصدق اى حاجه ممكن حد يقولها وهيمشى ورا قلبه انما انا بحكم
عقلى ولو فعلا طلع ليه أهل انا اول واحده هرحب بيهم 
منتهى _ اكيد طبعا حضرتك مراته وخاېفه عليه عشان كده انا هساعدك واقف جمبك ماتقلقيش اى حد هيحاول يقرب منه هبلغك فورا
هاله _ واكيد انا مش هنسالك خدمتك ليا وهاكلك الشهد
اه يابنت ال... خدمتى ليكى فكرانى شغاله عندك متعرفيش ان انا ليا حق فيه اكتر منك بس خلينى وراكى لحد لما اعرف اخرك 
منتهى _ شوفى كل اللى عايزاه وانا هعملهولك 
هاله_ انا برضه قلت كده انك طموحه ومتعاونه وبتخافى على شغلك 
هدخل انا بقى دلوقتي لعرفات باااى 
دخلت هاله لعرفتت ووقفت منتهى بتاكل فى نفسها من الغيره
عرفات شاف
هاله داخله عليه قام وقف عشان يتسقبلها 
ايه ده هاله انتى كويسه وحبيبه كويسه 
هاله_ قربت منه وحاوطت حولين رقابته باديها 
اه يا حبيبي إحنا كويسين بس انت وحشتنى ومن ساعت ماجينا هنا وانت شغلك واخد كل وقتك قلت اعدى عليك اعملك مفاجأة واخدك ونخرج سوا 
منتهى مقدرتش تمسك نفسها من الغيره وخبطت خبطه على الباب ودخلت مره واحده وشافت هاله وهى محاوطه رقابته باديها وبصتلهم باصه ناريه عرفات من جواه اتوتر واتضايق ان نهله ماسكاه قدام منتهى بالشكل ده مع ان فى شغله القديم كان عادى لو السكرتيرة القديمة شافتهم كده نزل ايد هاله وراح لمنتهى 
خير يا مدام منتهى فى حاجة
منتهى بدون تعابير 
اتفضل مؤمن باعت لحضرتك الملفات دى بتاعت الاجتماعات اللى حضرتك محضرتهاش يا عرفات بيه 
عن ازنكم وسابته وخرجت
عرفات_ معلش يا هاله هراجع الملفات دى ونخرج بس حبيبه مين معاها 
هاله _ الداده بتاعتها هتبات معاها 
خلص عرفات مراجعه الورق ومسك ايد هاله وخرج 
عرفات_ مدام منتهى تقدرى تروحى دلوقتي انا همشى 
هاله _ منتهى تحبى نوصلك فى طريقنا انتى ساكنه فين 
منتهى _ لأ شكرا لحضرتك مالوش لزوم 
هاله _ قولى بس انتى ساكنه فين 
منتهى _ بصت لعرفات المقطم 
هاله _ طيب تعالى معانا نوصلك لاقرب مكان يلا 
هاله مسكت ايد عرفات ومشيت قدام منتهى ومنتهى كانت ماشيه وراهم مركزه على ايده اللى حاضنه ايديها
ركبت هاله قدام وعرفات كان سايق ومنتهى ورا وكانت سرحانه وحاولت ماتبينش على ملامحها اى حاجه
نزلت منتهى اقرب مكان وقعدت على الرصيف ټعيط 
ماشى يا زهران بتحضن واحده تانيه قدامى وتمسك ايد واحده تانيه قدامى مش هنسالهالك ابدا حتى لو رجعت افتكرت مش هنسهالك وفضلت ټعيط فى الشارع لحد ماهديت خالص وبعدين رروحت 
مرفت اول ماشفتها _ مالك يا بت شكلك معيط 
منتهى _ لا ابدا ضغطى وطى انتى عارفه لو ماكلتش كويس وشربت مايه كتير ضغطى بيوطى ازاى
مرفت _ طيب ويا حبيبتي خشى غيرى هدومك وانا هحطلك تتغدى 
منتهى
_ امال احمد فين 
مرفت _ جه من المدرسة زاكر ولعب ونام من شويه
منتهى _ طيب على ماغير واتغدى يكون نامله حابه عشان يصحى فايق عشان ازاكله 
مرفت _ تمام يا حبيبتي يلا
دخلت منتهى غرفتها واخذت بعض الملابس وتوجهت للمرحاض وفتحت الصنبور على المياه البارده لعلها تطفئ من نيران قلبها اغلقت الصنبور وانتهت من اخذ حمام بارد
جلست تتناول غداؤها ثم اخذت تهتم بابنها ودراسته حتى اتت الساعه ٩ مساءا موعد علاج زهران 
اخذت تفكر هل تتصل به وتهتم به ام انه لا يستحق وتبعد وتترك مكانها لأخرى
عاند القلب مع العقل منهم من يريد الاتصال به وسماع صوته ومنهم من يقول لها لا تفعلى لا يستحق 
انتهت من هذا الجدال بحل وسط وهو إرسال رسالة نصيه لتزكيره بموعد الدواء
أرسلت منتهى الرسالة ثم اغلقت الهاتف وذهبت لتفعل شئ كى تشربه 
عادت مره اخرى وجدت صوره للعلاج وتحتها كلمه شكرا
تجاهلت الرسالة واخذت تتصفح مواقع التواصل الاجتماعي وظلت تبحث
عن اخباره القديمه حتى