قصة الشك بقلم نادية ستارز

ابتدينا أنا هطلع أنام.
فريدة لا وعلى إيه هروح أنا اتخمد وأدي الشاي أهو مش شرباه.
تدلف إلى غرفتها بينما يزفر فريد بعصبية.
فريدة أنا هدور في هدومه يمكن ألاقي حاجة.
تبدأ بتفتيش ملابسه
فريدة بشمشة في ريحة عطر نسائي قوي في القميص دا لتكمل بتذكر لما كان لابسه قال هيقابل صحابه معقول بجد كان معاها! دا أنا أدخل فيه السچن عادي هو وهي.
فريد يأتي إليها بتعملي إيه بهدومي
فريدة بتريقة أصلك واحشني قولت أخد حاجة من ريحتك بس ملقتش لقيت ريحة تانية.
فريد قصدك إيه
فريدة مقصديش حاجة.
يذهبوا تجاه السرير حتى يناموا.
يشرد كل منهم في شيء مختلف
فريدة أنا عارفة أنه غلط إني أشك فيه بس مش ذنبي أنا مشوفتش منه أي شيء إطلاقا بالعكس مفيش منه اتنين بس شعور الاجبار وحش يعني أنا طول عمري بحلم بفارس أحلامي اللي ييجي وأكيد مش من قلة العربيات هنركب على حصان أبيض هي رجلينا قصرت في حاجة
جواز صالونات بالنسبالي شيء مينفعش يحصل يعني اتجوز شخص مبحبهوش! هو آه مش هحب حد وهروح أقوله بحبك يعني هجيبه بركعتين قيام ليل بس برضو ولو ولو.
طالما أحنا مش بنحب بعض فأنا إيه ضمني يحبني أنا! ما يمكن يحب واحدة تانية وهضطر طبعا أنا انسحب ودي الحاجة اللي مخلياني شاكة فيه طول الوقت.
فريد بحاول أعمل كل اللي يرضيها وهي مفيش فايدة معاها أعمل إيه يعني تاني مش ذنبي إنها رافضة فكرة جواز الصالونات ما أنا بحبها فعلا ومن أول يوم شوفتها فيه فليه بتعمل كدا! وبعدين اسمه جواز مصونات يعني هصونها طول حياتي فليه التفكير دا أنا هنام أحسن بدل ما هتجنني بطريقتها.
في صباح اليوم التالي
تستيقظ فريدة ولم تجد فريد بجانبها.
فريدة بنوم تنادي عليه تنهض وتبحث عنه في المنزل ولم تجده.
تجده يرن على الهاتف فترد عليه صباح الخير يا فيري 
فريدة شايفني عربية فيراري قدامك فبدلعني.
فريد خسارة فيك اللي أنا كنت هقوله.
فريدة لا قول خلاص هسكت.
فريد بما إن أيدك اتسلخت ومبقتش نافعة ولا هتعرفي
تعملي حاجة.
فريدة أنت شمتان في وبتعايرني وبتذلني
فريد مش هكمل.
فريدة خلاص كمل.
فريد وهتفضلي ټعيطي أول لما تدخلي المطبخ فأنا جهزت ليك الفطار والغدا هجيبه معايا بس متتعوديش على كدا علشان متخربيش بيتي.
فريدة تعرف عني كدا برضو.
فريد بتريقة لا طبعا. 
فريدة متنساش الشيبسي بالطماطم.
فريد عيوني.
فريدة والبيبسي الدايت.
فريد من عينيا.
فريدة والشوكولاتة.
فريد من عيوني.
فريدة وو أيدا هو قفل في وشي!
مر أسبوع دون أحداث تذكرظ
حتى أتى اليوم الذي سيغير هذه العلاقة رأسا على عقب.
يأتي فريد مبكرا عن موعدهظ
يدخل إلى المطبخ بهدوء ويجد فريدة واقفة شاردة يلف يده حوالين عينيها.
فريدة توجه السکين سريعا تجاه قلبه.
فريد أهون عليك تقتليني!
فريدة أه عادي لو اكتشفت أنك پتخوني تنزل السکين وتقول حمد لله على سلامتك بس جاي متأخر ليه
فريد صاحبي في الشغل فرحه النهاردة وهنكون معاه.
فريدة بتساؤل مش هتاخدني معاك
فريد مفيش حد تعرفيه هناك وأنت مش بتحبي كدا وأنا مش هكون معاك.
فريدة ماشي هترجع أمتى
فريد احتمال أبات لأنه في محافظة تانية.
فريدة من أمتى وأنت بتبات برا البيت دا أنت معملتهاش قبل كدا.
فريد حالة استثنائية ية حبيبتي 
فريدة مش أنت قولت أنه صاحبك في الشغل!
فريد كان وانتقل للفرع اللي في المحافظة تانية.
فريدة بعدم صدق ماشي أنت هتسافر على طول صح
فريد أه.
فريدة تمام.
فريدة جهزتلك البدلة هستحمى أنا لحد ما تخلص.
يأتي اتصال لفريد يأخذ هاتفه ويخرج.
فريد هكون موجود في خلال ساعتين بالكتير سلام.
تأخذ فريدة ثياب لها وتدلف إلى المرحاض.
تشغل المياه ولكن كانت ترتدي الثياب التي جلبتها للخروج