رواية رياح الألم ونسمات الحب بقلم سهام صادق_الفصل السادس إلى العاشر

الي أتعرضله من العيله وسافر باباكي وضاعت أحلامي معاه كلها في الفتره ديه أتقدملي ناس كتير اووي بس مقدرتش اكون لحد غيره وبعد سنه رجع أحمد ورجعت معاه ضحكتي والمره ديه كانت غير أي مره
فلاش باك !
مقدرتش ابعد أكتر من كده حاولت أنساكي بس كان صعب عليا ومع كل لحظة بعد كنت بحكم علي نفسي فيها بالمۏت بدل المره مليون أنا بقي عندي شغل كويس أووي ياأمال بره وممكن نسافر ونعيش هناك 
لتظل هي تتأمله وكأنها لم تصدق أنهاا بعد كل هذا أمامها أنا مش بحلم صح 
أحمد بحب لا ياحببتي 
ليأتي والدها من خلفها قائلا حافظ علي بنتي انا أديتك اغلي حاجه عندي فاهم
لتتطلع هي الي والدها بحب غير مصدقه كل هذا قائله بابا أنت موافق
راضي بحب وهو يمسح دموع ابنته مقدرش اشوفك بتدبلي كل يوم قدامي وانا واقف ساكت وبصراحه الولد ده عجبني أصراره عليكي حسسني أني ممكن أموت وأسيبك وانا مطمن عليكي مع حد بيحبك !
لتفيق أمال من شرودها حتي تمسح دموعا قد جفت مع الزمن لتشرد ثانية لتقول بس زي مابيقوله تأتي الرياح بما لا تشتهي السفن 
واتخطبت أنا وابوكي كنت أسعد واحده في اللحظه ديه وانا بلبس دبلته يااا كان حلم جميل اووي أتمنيت أفضل عايشه فيه طول عمري امك كانت بتحبه اووي بس طول عمرهاا كانت أنسانه جميله فضلت مخبيه حبهاا وهي پتتعذب كل يوم شايفه فيه حبها بيضيع منها اتمنتلنا السعاده الي كانت بتتمناها لنفسها معرفتش بي حبهاا لأحمد لغير يوم خطوبتنا او تقدري تقولي شكيت ...
فلاش باك !
أيه رئيك يافريده شكلي حلو كده ولا مش هعجب أحمد تفتكري هيقول حاجه عن الفستان 
لتتطلع اليها فريده بشرود قائله بتقولي أيه يا أمال 
أمال بفرحه انتي مش معايا خالص مالك يافريده
فريده بحب ماليش صدقيني انا فرحانه ليكوا اووي لتقترب من صديقتها پألم قائله أحمد بيحبك حافظي علي الحب ده وانا عارفه أن انتي كمان بتحبيه ربنا يسعدكم 
لتتطلع اليها أمال قائله عقبالك بقي يافوفه لما افرح بيكي انتي كمان 
لتبتسم اليها فريده بحب قائله مأظنش !
أمال بشك ليه يافريده بتقولي كده
فريده بحنان سيبك مني انا دلوقتي وخلينا فيكي انتي ياعروسه 
لتعود أمال من شرودها قائله تخيلي عرفتني علي حب عمرها ومن غير ما تقصد حبني أنا وفضلت تتعذب من غير ما تقول وكنت أنا السبب في كده بس كان عندها تفضل عايشه بقلب مكسور طول عمرها ولا انها تحرم حد من سعادته عشان كده كانت تستاهله هو ...
لتتطلع اليها هنا بدموع قائله ممكن حضرتك تكملي 
أمال بشرود !!
مالها أمال ياعمي ايه الي حصلهاا 
راضي بقلق بنتي هتروح مني يا أحمد 
ليأتي مراد اخاها هو وزوجته بلهفه .. ليقول مراد مالها أمال يا بابا ايه الي حصل وحدثة ايه ديه
ليخرج الطبيب اليهم قائلا ممكن ثواني يا راضي بيه
ليذهب راضي مع الطبيب بنتي بخير يادكتور
ليتطلع اليه الطبيب پألم هي هتكون بخير بس لازم نعمل العمليه فورا للأسف ياراضي بيه وأحنا بنعملها شوية فحوصات اكتشفنا أن أمال هانم
راضي بجمود مالها بنتي !
ليخفض الطبيب رأسه قائلا عندها سړطان في الرحم والمړض لسا مش منتشر ولو أتأخرنا أكتر من كده للأسف انت عارف ايه الي هيحصل لازم نعمل العمليه في أسرع وقت 
ليقف راضي پألم قائلا أكيد في حل غير كده انا لازم أسفر بنتي حالا أكيد أنت أتجننت 
الطبيب بأشفاق صدقني ياراضي بيه مافيش حاجه هيعملوها غير كده عشان ينقذوا حياة المړيض لازم يبقي في مقابل وهو ده المقابل ... أنا قولت الي يرضي ضميري قدام ربنا وحضرتك ليك القرار
لتفر دمعه من عين أمال حتي تمسحها سريعاا فتعود بذاكرتهاا 
يابابا احنا هنسافر ليه ألمانيا ما انا كويسه وكسر رجلي بسيط مش معقول عشان وقعه بسيطه زي ديه من علي الحصان تقلق كده وعايزني اعمل فحوصات بره مع أني عملت كل الفحوصات هنا والدكاتره طمنوك 
ليتطلع راضي الي ابنته پألم أسمعي الكلام بقي يا أمال متتعبنيش 
لتأتي الخادمه اليهم قائلا بشمهندس احمد مستني حضرتك تحت يا راضي بيه 
أمال بفرحه بابا أنا هنزل ممكن
راضي بتحذير امال اعقلي رجلك لسا في الجبس
ليأمر خادمته قائلا خليه يطلع يا سعاد!!
هنا پبكاء وبابا عرف الحقيقه ديه 
امال بشرود وهي تتذكر الماضي ثانية
فلاش باك!!
كان نفسي أجي معاكي ياحببتي بس للأسف ظروف شغلي 
امال بحب عارفه ياحبيبي متقلقش هو اسبوع وهتلاقيني فوق راسك عارف لو عينك بصت علي واحده كده او كده
أحمد بضحك هو الي يحبك يفكر يحب تاني انا خلاص توبة والحمدلله
امال بزعل مصطنع كده طيب علي فكره بقي ان مخصماك !
احمد بحب ههههههه طيب وانا هصلحك 
امال پصدمه انت عملت أيه 
احمد بخبث عملت كده 
لتدفعه أمال عنها احمد بطل بقي 
أحمد بحب حاضر ياعيون وروح أحمد ... هسكت وهصبر وامري لله اعملي حسابك بعد ما ترجعي من السفر هنحدد ميعاد الفرح مفهوم 
أمال بحب مفهوم !
لتصمت أمال