رواية غيبيات تمر بالعشق بقلم مروة محمد البطراوي
قائلا
ريحانه أنا محدش يقدر يدمر سعادتي...جايز انتي شايفاها ادمرت..
.بس ده محصلش وان كان في دماغي حاجه فهي علشان أساعدك...
أنا مش عايزة حد يساعدني...أنا غلطانه أصلا اني اتكلمت معاك...
ثم التفتت تسأله قائله
في ايه. .. أنا اللي بيني وبينك شغل وبس....لو سمحت مش عايزة كلام في موضوعات شخصيه بعد كده.
ابتسم بخبث لانه نجح فيما يرنو اليه وهو جعلها ترتبك من قربه مثل ما فعلت معه فنهض وهز رأسه بطاعه تمثليه وغادر من المعمل مستمتعا بارتعاشتها الناتجه عن قربه وفور خروجها وضعت يدها علي قلبها تتنهد بصعوبه.
ذهب الي أمير ليمضي سهرته معه حيث اللهو ولكن زيدان كان في عالم أخر ...استخدم أمير كافه الأساليب لجره الي عالمه من جديد ولكن دون جدوى شاردا ...زفر أمير بحنق قائلا
أنا قلتلك بلاش يا زيدان...صممت تمشي في اتجاه الكل هيبقي ضدك فيه...اه أنا مش همنعك تاخد حقك بس مش بالطريقه دي...انت بتهين نفسك.
ليه يعني ...علشانها مطلقه ومش بتخلف...وعلشان أبوها مسجون وأمها ست لا مؤاخذه...طب ما هو ده المطلوب...علشان أمي تعرف انها خسړت كتير يوم ما بعدت شذى عني.
هز أمير رأسه بيأس قائلا
تمام أنا معاك في كل اللي قلته ده...بس أنا خاېف علي سمعتك في قلب السوق...وبعدين تعالي هنا...زعلان أوى علي شذى ..هي لو بتحبك مكنتش فكرت لحظه تعمل القذارة دي.
ما أنا عارف انها قڈرة زيهم...بس اللي تعمل كده بتعمل علشان الفلوس...ومعلش بقا قصي ده لولا أمي عليه هو وأبوه وأخته كان فاتهم شحتوا ده غير اللي عملته ريحانه معاه.
ابتسم أمير بخبث قائلا
الحب يا أخويا الحب...انت ما شاء الله الرجل البارد...اللي يقدر يحسس أي ست انها مجرد ليله عابرة. حتي الليله ممكن تستكترها عليها..شذى عمرها ما حست معاك بالحب.
تمام هي كانت بدور علي الحب...هو ازاي يسيب البنات كلهم ويبص لحاجه بتاعت واحد غيره....ااااه يا أمير لو كنت شفت نظرات الحب الي في عينيه لريحانه عمرك ما هتصدق انه يعمل فيها كده.
قطب أمير جبينه قائلا
انت كنت مركز معاهم بقا...طب ما غيرتش ولا خفت شذى تغير منهم في يوم من الأيام...أهي طبلت فوق راسك...وابقي قابلني لو ريحانه رضيت بيك.
أنا ممكن أعمل حاجات كتير أكتر من اللي قصي كان بيعملها...بس عارف انها عمرها ما هتصدق راجل تاني بعد اللي حصلها...ولو حصل ورفضت انت عارف هتتصرف ازاي يا أمير.
نظرات زيدان وشروده المتكرر أثار القلق في نفس أمير أن يكون قد عشقها فأصر أن يفصله ويعيده الي أرض الواقع قائلا
أنا رأي تخلص الموضوع بدرى...وخصوصا قبل ما ترجع بيت أمها....لأحسن تاخدها بمصېبه....كفايه عليك هتبقي زوج ست أبوها مسجون.
موكا سحر الروايات رواية غيبيات تمر بالعشق
استمع الي كلمات أمير بلا مبالاة ثم انتفض كمن لدغته عقربه ليجحظ بعينيه فور رؤيتها تقف بجانب والداتها لا تختلف عنها مطلقا ...التقط أنفاسه بقسۏة وجمود وبدت تعابير وجهه صلبه وعيونه التي لا ترف مسلطه عليها لينهر نفسه علي اعتبارها مختلفه...فمثل هذا المكان لا أحد يجبر علي الدخول اليه...حتي ولو كانت والداتها تحديدا...حدث نفسه وهو مازال مسلط عينيه عليها قائلا
ليلتك سوده يا ريحانه الزفت.
وجدها تتحرك مع والداتها نحو باب الخروج ومع ذلك الشاب الذي تحدث عنه أمير ليقوم بخطي مسرعه ويصل اليهم قبل أن تفر هاربه منه
من أين جائت ريحانه...ريحانه رغم اعتراضها علي حياة والداتها الا أنها لا تتركها في مثل هذه المواقف حيث هاتفتها وأعلنتها أنها مريضه كل ذلك حتي يتثني لها أن تجمعها بابن صديقتها...أول ما وصلت ريحانه قامت شمس باتقان دور التمثيل عليها قائله بضعف مصطنع
ريحانه حبيبتي ...كويس انك جيتي ومش طنشتيني ...أنا تعبانه أوى يا ريحانه وعايزاكي تروحي معايا...لأحسن أموت في البيت وأنا قاعده لوحدي.
أخذتها ريحانه تسندها قائله
مكنش ليه لزوم خروج وسهر يا ماما...انتي مش صغيرة..ومش كفايه اللي بيحصل في البيت...جايه تكملي هنا...ربنا يستر ميبقاش عليكي ديون.
ردت شمس وهي متوجهه نحو سيارة المدعو زاهر ابن صديقتها لتنظر اليها ريحانه بتوجس وتكاد أن تسألها ماذا تفعل لتتصنع شمس التعب قائله
اركبي يا ريحانه..ده زاهر ابن نعمات...وبعدين انتي عايزانا لسه نستني تاكسي وأنا في حالتي دي...أنا مش هقدر ...ممكن أقع منك...
أشاحت ريحانه بوجهها الي الجانب الأخر تهتف باستهجان قائله
مش هيحصلك حاجه يا ماما...بلاش الحركات دي لو سمحتي...أنا هتصل بنورا تيجي تاخدنا بعربيتها وفرصه أجيب لبسي من عندها.
حاولت ريحانه الهروب ولكن دون جدوى فقد قامت شمس بسياسه الضغط عليها قائله
اركبي بقا يا ريحانه أنا تعبت...ده مسافه السكه زاهر مش هيعضنا...ده لطيف خالص...وبالمرة هيفوت علي السوبر ماركت يجيبلنا أكل.
قالت هذه الكلمات وهي تغمز لزاهر الذي ما سرعان ما فتح الباب الخلفي وأجلس شمس ليتقدم ويفتح الباب الأمامي لريحانه لتمدد شمس الخبيثه في المقعد الخلفي كله...نظرت ريحانه اليهم بذهول وأحست أن لا مفر بما يحدث فوضعت يدها علي الباب بشرود واستسلام لكي تركب لتتفاجئ بمن ېصفع الباب علي يدها لتصرخ قائله
اااه....ايدي....دمممم
نعم ډم ...حيث أغلق باب السيارة علي يدها بدون وجه رحمه بأقسي ما عنده...وجودها في هذا المكان أشعل الڼار بداخله فما بالكم بدلوفها السيارة مع تلك الساقطھ والساقط .
التتفت و هي تتحسس يدها والډماء تتدفق منها لتجحظ بعينيهاحيث وجدته يقف أمامها بعيونه اللتي تملأها الشرار قائلا وهو ينظر الي زاهر وشمس الذي استغربت وجوده لتخرج من السيارة مسرعه كأنها ليست بمريضه لتهتف پعنف قائله
ايه اللي انت عملته ده...انتي ايه اللي جابك هنا...تعالي يا ريحانه نطلع علي القسم نعمله محضر تعدي...وانت تشهد يا زاهر...ايه القرف ده.
تلجلج زاهر پخوف فهو يعلم من زيدان ومدي سطوه ليرتبك قائلا
طب ما نحلها ودي...يعني أكيد زيدان باشا ميقصدش...اتفضل يا باشا العربيه تحت أمرك أي خدمه...شمس هانم صديقة والداتي وتعبانه.
ابتعدت ريحانه تتوجع بيدها وتأن لتقوم بالاتصال بنورا لتنقذها من هذا الموقف لتحدثها قائله
نورا الحقيني...ماما كانت تعبانه وجيت أخدها من نادي القماړ وكانت مرتبه أروح معاها ومع زاهر في عربيته...زيدان طلعلي من تحت الأرض.
لم تستطع سماع رد نورا حيث أخذ الهاتف من يدها الأخرى وأغلقه ثائرا وهو يجز علي أسنانه
تاني غلط ليكي النهارده...الأول وجودك في مكان قذر وانتي عملالي فيها شريفه وراحه تركبي مع البيه ...علي أساس الهانم مش بيهمها الفلوس..
واستطرد وهو يرفع اصبعيه السبابه والوسطي قائلا پغضب
.والتاني الهروب...اللي مش مسموح يحصل وأنا موجود.
ارتعدت ونظرت حولها فلم تجد سيارة زاهر ووجدت والداتها تجلس بسيارة زيدان تزفر بحنق قائله بصوت همجي عالي
لا بقا...انت مشيته علشان تقفوا تسايروا...خلصوني من أم الليله الهباب دي...وانتي يا ريحانه ابقي فهمي زيدان باشا ان زاهر في حكم خطيبك.
لتنظر ريحانه علي الفور الي وجهه الذي كساه الڠضب وتذهب الي السيارة وتجلس وهي ممسكه يدها تتحسسها لتجده يتناول علبه الاسعافات الأوليه ويرميها علي قدميها كي تحقن دمائها ويتوقف الڼزيف المتسبب فيه وهي تائهه فيما حدث وعنفه وقسوته في التعامل لتنتبه علي حديث شمس وهي تستكمل خبثها قائله
انتي روحتي فين ...مش كنتي تفهمي البيه قريب طليقك ...ان زاهر اتقدم ليكي وراضي بعيبك...ومستعد يعيشك في جنه...لأنه بيحبك أوى يا ريحانه.
وضع يده علي المقود وانطلق مسرعا حتي أن ريحانه استشعرت أنه يقودهم الي المۏت ولا يهمها يا ليته يقودها الي المۏت لكي ترتاح أما شمس فابتسمت وهي تنظر اليه في المرأة بخبث وبمكر لأنها فهمت ما يجول برأسه جيدا.
مروة محمد حصرى لموكا ممنوع النقل
غيبيات تمر بالعشق
مروة محمد مورو
الفصل الرابع
الحمد لله الذي بنعمته تتم الصالحات
ظلت أصوات صرير سيارته وهو يقودها تتردد في أذنها طوال الليل كأنها لحن جنائزى بحت ومنمق كأنه يتفنن في تعذيبها ... حيث كان يقودهم بسيارته كمن يقودهم الي الهلاك...ازدادت ڠضبا من جبروته الجامح حينما تذكرت غلقه لباب سيارة زاهر علي قبضة يدها ..اندهشت من الهلع والخۏف الذي بات بأعين زاهر لمجرد رؤيته...لم تكن متوقعه ظهوره في هذا المكان تحديدا...كان يصدر من عينيه موجات ڠضب وشرار...ظل مستمرا علي حالته الي أن تم توصيلهم..فهبطت شمس وصفعت الباب كأنها لم تكن مريضه...لتختطف ريحانه نظره سريعه اليه و تسأله بتوجس سؤال لا اجابه له
منين عرفت اني في النادي...ومنين تعرف زاهر
رده عليها كان باردا متمثلا في فتح الباب المجوار لمقعدها والاشارة لها أن تهبط من سيارته بصمت...وبالفعل رفعت أنفها شموخا وهبطت من السيارة وأدارت ظهرها ليدوى في أذنها صوت صرير سيارته أثناء رحيله الثائر.
غيبيات تمر بالعشق بقلمي مروة محمد
صعدت ريحانه الي شقة والداتها وبحثت عنها وجدتها نائمه بملابسها فهي مخمورة لدرجه كبيرة...ذهبت الي الغرفه الأخرى وجلست علي فراشها تنظر الي الفراغ بشرود حتي تعالي صوت هاتفها لتنتفض وتجده رقم نورا....لتجيبها ريحانه بنعم ... فتتنهد نورا بارتياح قائله
ريحانه..ايه اللي حصل ...موبايلك فصل منك ليه. ...أنا تفكيرى اټشل مبقتش عارفه أعمل ايه...ونسيت أخد منك عنوان النادي...وايه اللي جاب زيدان عندك.
ردت عليها ريحانه بحنق شديد
كنت رايحه أجيب أمي العظيمه من نادي القماړ...و ألاقيها مرتبه لسهرة ليا أنا و الزفت زاهر...بصراحه كنت عايزة أخلص منهم بأي
طريقه
..
سألتها نورا بتوجس قائله
طب وانتي اتصلتي بزيدان يجي يخلصك صح...طب كويس جدا برافو عليكي...بس جبتي رقمه منين...وليه مرجعتيش لحد دلوقتي...
هزت ريحانه رأسها بيأس علي فهم نورا الخاطئ وردت باستهجان قائله
يعني أنا حتي لو معايا رقمه يا نورا هتصل بيه علشان ينقذني من زاهر...لا طبعا ... سيادتك أنا قلت هركب معاهم لغايه ما أوصلها البيت وهركب تاكسي وهرجعلك.
خبطت نورا يدها برأسها قائله
عندك حق...بس انتي قاعده عندك بتعملي ايه...ومين اللي وصلك بيت مامتك...وبرضه مقولتليش...هو زيدان بيراقبك يا ريحانه.......
استشعرت ريحانه فضول نورا فأرادت اراحتها قائله
ايه اللي انتي بتقوليه ده يا نورا ...أنا مين علشان واحد
زيه يراقبني ...أنا لغايه دلوقتي معرفش ده طلع منين...يمكن كان رايح يلعب...ما هو اللي زيه مش مظبوط.
لوت نورا شفتيها قائله
ولما هو يا أوختي مش مظبوط...ليه صابر لغايه دلوقتي و مأخدش حقه من الزفت
